‫قصيدة الى اتقتل مش بلطجى ...للشاعر عربى كمال‬‎

.قصيدة "ايوه انا كافر" ..للشاعر عربى كمال

اغنية " هنا الميدان مسجد كنيسه وبرلمان " كلمات : الشاعر عربى كمال الحان وغناء : رامى التلتى تتر برنامج " هنا الميدان " على اذاعة القاهره الكبرى

قصيدة "خلينا صحاب ".للشاعر عربى كمال

عربى كمال ..قصيدة "عزف متكرر مسته الدهشه ".

قصيدة " كل اما اغنيلك " للشاعر عربى كمال

قصيدة " ايوه انا كافر "

ايوه انا كافر

مكفرش  كيف

 واللى ربانى عاشق لطه

ايوه انا كافر

مكفرش كيف

  وف ودنى صورة الصمد

بين صحوى ونومى

 يتردد صداها

ايوه انا كافر

كفران جحود

كنت نبته ف عدم

وبحق كن ف يكون

صار اللى زى وجود

فكيف ماكفرش بيكم

ياللى خليتوا دينه تجاره

مش دمى اللى ف ايديكم

بيعتوا الشهيد لأجل الأماره

اللحيه طول مترين

وزبيبه عامله علامه

والكرش تقولشى  جبالين

وقلوب قاسيه حجاره

رافعين اسلامى شعار

وتقولوا هنطبق حدوده

مش أولى تستر العار

وتسد للفقر جوعه

ولا هو كلام وخلاص

والضحك ع الناس غايه

مش برضه الدين أخلاص

ورحمه ملوه هدايه

ايوه انا كافر

بس دمى معصوم

مايحله ألا اللى نشانى

وان كان على الموت دا مقسوم

قادرمن بعده يبعثنى تانى

ايوه انا كافر

بكل من قراله كتاب

وفاكر نفسه علامه

مبلغ علمه ابن عبد الوهاب

ولا عمره قرا " طوق الحمامه"

اخرتكو ابن عبد الوهاب

وانا أولى الليث بن سعد

اسلامكو لحيه وجلباب

وعندى عدل مالوش حد

.....................................

عربى كمال

قصيدة "عزف متكرر مسته الدهشة"

قولي يا حلو الأيام ومره ُ

كيف الأمر صار

كيف استحال الليلُ

ــ يا رفيقتي ــ نهار

ومنذ متى النهرُ

أصبح دأبهُ السيرُ

نحو أعالي الجبال

قولي يا صغيرتي

وأنا القوىُ وراثةَ

والحر طبع والعلي َ

والعاقل الآبي

كيف أصبحت عبداً

ارتمى بين ذراعيك

أطرح في ــ بكاء ـــ

سؤال تلو السؤال

وحين أغفو كطفل

أبصر فاكهة ورماناً

وأشجار البرتقال

أيقظيني .......... ،،

يا من يعلو سنك سني

ألاف والأعوام

وتبدين ......... ،،

يا للروعة – كالأطفال

زملينى

بين النهدين

وبين الشفتين

ففيهما اللؤلؤ والمرجان

وفيهما الأمان

وأقرئي على جسدي

سورة التودد

وآية التوحد

 والبيان

وافهميني

كيف في العينين

يسكن الأنبياء

والأولياء

والشيطان 

وكيف وأنت الواحدة ..... ، ،

وأنت الطاهرة ...... ، ،

وأنت الناعمة كغصن البانْ

تستحيلين إلى امرأة شتى

امرأة فاقدة المعنى

والمغنى

وكأن فؤادك مبغي

روحك بعداً عنى تسعى

تقسين على وأنت الأعلم

من بين نساء الأرض

بأني أهواك

لا أرضى

أبداً بسواك

يا ذات الخطأ الزمني

أتلفني هواك

فإياك

بعداً

عنى

إياك

أتعذب لو غبت

أتفتتُ

لو لم أرشف حلو رضاب

    من فاك

فكوني نهراً فياضاً

جسدي ظمأناً

يتمناك

 يا ذات الخطأ الزمني

ذوقي كل رجال العالم

مزقي

أوراقي

وأشواقي

لكن لا تنسى أبدأ

لن يرويك

ويحيك

إلا رجلاً

صلى زماناً في حماك

يا ذات الخطأ الزمني

أنا العاشق رفقاً

فلقد أتلفني هواك  
....................................
عربى كمال

أغنية " القبله مصر وانت الأمام "

أثبت مكانك.. هنا ميدانك

هنا الشهيد رسم الطريق

أوعاك تساوم .. أرجع وقاوم

الحلم يتحقق أكيد

كسرنا خوفنا .. وشلنا روحنا .. على كفوفنا

وكان هتافنا قوه وحديد

البرد قارص .. والرب حارس

واكم رصاص سكن الوريد

هتافنا كان .. حريه عيش

هدفنا كان ..يسقط نظام

نزرع بلدنا فرحه وعيد

أياك تطاطى ..أصرخ وعادى

كل اللى يسرق ..ف خير بلادى

وثور ودور ..جوه الميدان

القبله مصر ..وأنت الأمام

الكل باطل .. وأنت الكمال

أنت الحقيقه .. وانت المحال

أنت اللى ثورت .. وأنت المثال

وغنوة الفجر الوليد

أثبت مكانك .. هنا ميدانك

هنا الشهيد رسم الطريق

أوعاك تساوم .. أرجع وقاوم

الحلم يتحقق أكيد

.......................................

كلمات عربى كمال