قصيدة " ايوه انا كافر "

ايوه انا كافر

مكفرش  كيف

 واللى ربانى عاشق لطه

ايوه انا كافر

مكفرش كيف

  وف ودنى صورة الصمد

بين صحوى ونومى

 يتردد صداها

ايوه انا كافر

كفران جحود

كنت نبته ف عدم

وبحق كن ف يكون

صار اللى زى وجود

فكيف ماكفرش بيكم

ياللى خليتوا دينه تجاره

مش دمى اللى ف ايديكم

بيعتوا الشهيد لأجل الأماره

اللحيه طول مترين

وزبيبه عامله علامه

والكرش تقولشى  جبالين

وقلوب قاسيه حجاره

رافعين اسلامى شعار

وتقولوا هنطبق حدوده

مش أولى تستر العار

وتسد للفقر جوعه

ولا هو كلام وخلاص

والضحك ع الناس غايه

مش برضه الدين أخلاص

ورحمه ملوه هدايه

ايوه انا كافر

بس دمى معصوم

مايحله ألا اللى نشانى

وان كان على الموت دا مقسوم

قادرمن بعده يبعثنى تانى

ايوه انا كافر

بكل من قراله كتاب

وفاكر نفسه علامه

مبلغ علمه ابن عبد الوهاب

ولا عمره قرا " طوق الحمامه"

اخرتكو ابن عبد الوهاب

وانا أولى الليث بن سعد

اسلامكو لحيه وجلباب

وعندى عدل مالوش حد

.....................................

عربى كمال

قصيدة "عزف متكرر مسته الدهشة"

قولي يا حلو الأيام ومره ُ

كيف الأمر صار

كيف استحال الليلُ

ــ يا رفيقتي ــ نهار

ومنذ متى النهرُ

أصبح دأبهُ السيرُ

نحو أعالي الجبال

قولي يا صغيرتي

وأنا القوىُ وراثةَ

والحر طبع والعلي َ

والعاقل الآبي

كيف أصبحت عبداً

ارتمى بين ذراعيك

أطرح في ــ بكاء ـــ

سؤال تلو السؤال

وحين أغفو كطفل

أبصر فاكهة ورماناً

وأشجار البرتقال

أيقظيني .......... ،،

يا من يعلو سنك سني

ألاف والأعوام

وتبدين ......... ،،

يا للروعة – كالأطفال

زملينى

بين النهدين

وبين الشفتين

ففيهما اللؤلؤ والمرجان

وفيهما الأمان

وأقرئي على جسدي

سورة التودد

وآية التوحد

 والبيان

وافهميني

كيف في العينين

يسكن الأنبياء

والأولياء

والشيطان 

وكيف وأنت الواحدة ..... ، ،

وأنت الطاهرة ...... ، ،

وأنت الناعمة كغصن البانْ

تستحيلين إلى امرأة شتى

امرأة فاقدة المعنى

والمغنى

وكأن فؤادك مبغي

روحك بعداً عنى تسعى

تقسين على وأنت الأعلم

من بين نساء الأرض

بأني أهواك

لا أرضى

أبداً بسواك

يا ذات الخطأ الزمني

أتلفني هواك

فإياك

بعداً

عنى

إياك

أتعذب لو غبت

أتفتتُ

لو لم أرشف حلو رضاب

    من فاك

فكوني نهراً فياضاً

جسدي ظمأناً

يتمناك

 يا ذات الخطأ الزمني

ذوقي كل رجال العالم

مزقي

أوراقي

وأشواقي

لكن لا تنسى أبدأ

لن يرويك

ويحيك

إلا رجلاً

صلى زماناً في حماك

يا ذات الخطأ الزمني

أنا العاشق رفقاً

فلقد أتلفني هواك  
....................................
عربى كمال

أغنية " القبله مصر وانت الأمام "

أثبت مكانك.. هنا ميدانك

هنا الشهيد رسم الطريق

أوعاك تساوم .. أرجع وقاوم

الحلم يتحقق أكيد

كسرنا خوفنا .. وشلنا روحنا .. على كفوفنا

وكان هتافنا قوه وحديد

البرد قارص .. والرب حارس

واكم رصاص سكن الوريد

هتافنا كان .. حريه عيش

هدفنا كان ..يسقط نظام

نزرع بلدنا فرحه وعيد

أياك تطاطى ..أصرخ وعادى

كل اللى يسرق ..ف خير بلادى

وثور ودور ..جوه الميدان

القبله مصر ..وأنت الأمام

الكل باطل .. وأنت الكمال

أنت الحقيقه .. وانت المحال

أنت اللى ثورت .. وأنت المثال

وغنوة الفجر الوليد

أثبت مكانك .. هنا ميدانك

هنا الشهيد رسم الطريق

أوعاك تساوم .. أرجع وقاوم

الحلم يتحقق أكيد

.......................................

كلمات عربى كمال

مربعات " عملو ع السجادة حفله "

 أول كلامى اسبح
 باللى رسمنى ونشانى
 كيف بس ياربى امدح
 بعد السبع المثانى
..........................
 تانى كلامى اصلى
 على خير خلق البريه
 شفاعتة والله تصلنى
 للى خلق الدنيا ليا
...........................
 تالت كلامى اعيد وصفه
 نبى نوره دوانى
 بذكره قلبى يصفو
 وحديثه نبراسى وادانى
..............................
 رابع كلامى اقول
 ع الجرح اللى كاوينى
 الدنيا قاتل ومقتول
 تاه منى والله يقينى
..............................
 خامس كلامى رح اسرد
 كل اللى صار فينا
 سيبونى لجناحى افرد
 وانشر بلاوينا
...........................
 سادس كلامى يابو الزين
 واعر ويكسر الحر
 مايشفى وجع الانيين
 الا الدوا المر
...................................................................
 سابع كلامى ليه عنوان
 دائى ف اللى قتلنى
 المجلس ويا لخوان
 سرقو الثوره منى
.......................................................
 تامن كلامى هنشرح
 كيف صارت الثوره عوّره
 جات الحزينه تفرح
 وقعوها والله ف بوره
.....................................................
 تاسع كلامى رح ابكى
 وافرد شعورى جدايل
 والطم على وشى وخدى
 واقطع ف لحمى فتايل
...........................................................
 عاشر كلامى يابو الخال
 عملنا ثوره عجوبه
 ازاى اتبدل الحال
 دنيا والله لعوبه
............................................................
 الثوره سرقوها لندال
 وانا اللى الرصاص مالانى
 سبحان من بدل الحال
 خلى الخسيس سجانى
.........................................................
  موجوع كلامى سيبونى
 والله مابطل عويل
  المجلس  مع الأخوان
 قالوا علينا عويل
...............................................
 احنا اللى قمنا وثورنا
 وصرخنا وقولنا كفايه
 يجى غيرنايحصد ثمارنا
 والثورى يرموه ف النفايه
..............................
 يادى العجب العجوبه
 تاجر الدين وشايل المخلا
 عملوا خطه لعوبه
  استخبو للحر ورا النخله
..........................................................
 استنوا لمّا شافوه
 بيصلى فرضه ونافله
 قطعوا فيّه وشفّوه
 وعملوا ع السجاده حفله
..............................
 والله صعبان عليا الحال
 واتهد يامصر بدنى
 الحر للعسكرى ينحال
 والقاتل يحكمه مدنى
......................................................
 تدى صوتك للى
 عايز يخليك أماره
 كيف لابو جهل تحلّى
 وانت ازهرك مناره
.........................................
  عربى كمال 

عربى كمال 

ذرونى ومن عشقت وحيدا

وليست ككل بنات الكون /
تري في الرجل المتعدد العلاقات ميزة وسموا / يجعلها متفردة لأنها أسقطته في هواها /

 بل تراه مصاص دماء /ينهل من روح الصبايا خلوده /
وككل بنات الكون/
تري في شرقيته سي السيد / هذا الرجل المتسلط / الذي يحجب عن أنثاه نوافذ الحرية والاستقلال /
وككل الشعراء /
فشل في أن يضفر لها تناقضاته / وكيف يجتمع العهر والطهر / الهدوء المزعج / والضجيج الذي بلا طحين /
تشككه في الثابت / وإيمانه الذي لا يتزعزع باليقين / وقوفه عند عتبة النص / ومعراجه في سماء التأويل /
ما أتعس الشعراء /
يسقطن كل النساء في هواهم / ويفشل الواحد منهم في إسقاط الفتاة التي يهواها /

 

“2 “         

وليْست ككُلّ بنات الكوْنِ /
تبصُّر فيها الجمّال والقُبح / بل جِمالٌ /
يغُشّاهُ جمّال / فوْقه جمّال / لم يتِرك لِلقُبحِ فيها موْضعا وظِلال /
هي أُنثى / اِسمٌ / ورسمٌ /
آخذت مِن الصِّفةِ المبنى والمعنّى / أن تحدّثت / هلكتُ مُتعة ً /
وأن صمّتت / قُتِلتِ توَجّعا / وأن فاضت بِالوُصلِ / وأغدقت /
ذُقتُ معها ” ويَسقون فيها كأسا كان مِزاجُها زنجبيلا ” /
وأن تمّنعت / شاهدتُ قولهُ ” سمّعوا لها تغيّظا وزفيرا ” /
سيَقولُ السّفهاءُ /
ضلّ العُشّاقُ /
هاهم في غيِّهُم يهيمون /
وسيَجيبُك مِن بصرتِهُ السّماء /
بل ضلّ مِن لا يعشق / وكان أمرّهُ فرطا

 

“3”              

لا تبوحوا بسر عشقكم /
إنما أهلك الذين عشقوا من قبلكم / كانوا إن اجتمعوا / توحدوا /
فأن توحدوا سكرو / فأن سكرو / فاض الوجد / فأن فاض وطغى /
بسرهم باحوا / فأن باحوا / أبيحت دمائهم /
” وكذا دماء العاشقين تباح “

 

“4 “       

ياأيتها ” المُحتلّة ” روحيّ
لاتمنحيني الأستقلال أبدًا
فشعب قلبي يهتفُ
” الاِحتِلالُ التّامُّ أوْ الموْت الزوؤم “

 

“ 5 ”      

قالت /
إلى أيْن ستصِلُ بى /
قلت ُ /
أُريدُ أن أصلّ بِك عِند عتبة أقدّاس احساسى المُفرِط /
عِند عُمقِ شغفي بِك / عِند اِختِلاجات نبض قُلّبي حين يُمِسُّ حلوُ صوْتِك شريانهُ /
عِند حرقة ألمي حين يشتاقُ قلبى لك / عِند حنينيِ المُشتعِل كلظى جهنّمِ /
عِند بوّابةِ ولهى بِك / عِند حُدودِ شبقِ اِنفِجارِ رغبتي فيكِ /
عِند رجائيِ مِن اللهِ إنّ يمن عليا بِك / عِند تمزُّقيِ وتوددى لِعطّفك ورِضاك /
عِند وصوْليِ في التعبير لِدرجةٍ التّفوُّه بِما لا يرضى أصحاب النُّقلِ مِن شططِ القوْلِ
عِند حرقتي / ووَجيعتي / ولهفتي لك / عِند توَحُّديِ بِك /
عِند ضياعيِ بيْن الكافِّ والنّونِ /عِند فنائي فيكِ

 

“ 6 “        

 

أوقفتني عند باب “التوحد ” /
قالت /
يابن أدم /
او تعرُّف قدرى ومقامى /
قُلتُ /
كُلّ شُيِّئ ماخلا سِواك _ بعد اللهِ _ باطِل / وكُلّ نعيم غيْر وصلِك زائِل /
فأنتِ تعويذة قلبى ضِدّ الفِناءِ / بدونك قلبى كمن يتخبّطُهُ الشيطان مِن المسِّ /
قالت /
او تخشى الفِناءُ /
قلتُ /
ان كان فيكِ فهو المراد والمشتهى / فنائى بك سكر اُحل لى خمرهُ /
فيكِ العالم اِنطوَى / حوله سبعا أطوفُ /
قالت /
تطهّر بِماءِ الأخلاص /
واِستغنى عن نِساءِ الكوْنِ / اُدخُلك فنائى / لِتبصّر وُجودُك /
قلتُ /
تطهّرت /
صُبى رضاب فمِكِ / اِنهلّ مِنه شربة / لا أظمأ بعدها ابدا /
اريدك بين يدى / جسد / وروح / لأعيد تشكيل خارطتك / وانفخ فيك من عشقى /
قالت /
طلّبت مالا يُدرِكُهُ الا أوْلى العزم /
قلتُ /
اُنت ” الولى ” /
وانا ” المريد ” /
قالت /
لن تستطيع مِعًى صبّرا

...................................................

عربى كمال

فصيدة " نصف نبى "

...........................................
اللى انقتل مش بلطجى
اللى انقتل نصف نبى
كنا زمان ع القهوه نرمى زهرنا
وف الشوارع نجرى نحضن حلمنا
وصوتنا عمره ماانخرس
ولا كان بيرهبنا الحرس
كان الوطن مطلبه ... ومطلبى
اللى انقتل مش بلطجى
اللى انقتل نصف نبى
كان ف الميدان واقف تمام ... شايل العلم
وكان جسور .. زى النسور
مخلوق يثور .. ضد الطغاه
وكان بيعشق الحياه
وكان بيكره الالم
بس الوطن كان مطلبه ... ومطلبى
اللى انقتل مش بلطجى
اللى انقتل نصف نبى
رافض يطاطى او ينحنى
لكل خاين او اجنبى
اللى انقتل مش بلطجى
اللى انقتل نصف نبى
اول رصاصه مسته
كانت ف معركة الجمل
خبى المراره ف صرخته
كله يهون لجل الوطن
والتانيه كانت معضله
طفت عيونه المبصره
لكن بصيرته زادت ايمان
خلت طريقه للأمام
مانتى يامصر مطلبه
جنة حياته ومعبده
والروح فداك تحمى حماك
شهيد يموت
والف غيره ف النضال يبتدى
اللى انقتل مش بلطجى
اللى انفتل نصف نبى
خرجت رصاصه متمغنطه .... بالغدر كانت متظبطه
عارفه طريقها وسكته ....       قلبه العفى ودنيته
الشيخ عماد حافظ كتاب رب العباد
وف أيده كانت سبحته
وقع الأمام على جبهته
ولسانه بيسبح اله
قادر يطيح بالطغاه
ولما شاف الجنه قدامه بتترسم
الشيخ عماد شهد  وابتسم
وأدن  بصوته الندى
اللى انقتل مش بلطجى
اللى انقتل نصف نبى
اللى انقتل هو الغريب
من السويس وبورسعيد
راجل حويط ... يركب الموج العفى
يرمى الشبك
 يصطاد غناوى منعشه
عربون محبة للحبيبه المدهشه
يكدب ساعات
 ... لكنه صادق ف القسم
مش اولعبان اونطجى
اللى انقتل مش بلطجى
اللى انقتل نصف نبى
اللى انقتل من سيدى جابر والمندره
من شارع المنشيه وباكوس
 والسياله ولوران وكرموز
 وزيزينا المتغندره
اسكندرانى تشم يود البحر ف ضحكته
مخلص قوى لاهل بيته وصحبته
بس بحالات
 .. شويه على سجادة صلاه
ف باحة ابو المرسى
 وشويه متسلطن  شقى
اللى انقتل مش بلطجى
اللى انقتل نصف نبى
اللى انقتل من الفلاحيين ومن الصعيد
كهل وشباب والطفل الوليد
لساك يابدوى شديد
 جايب اليسرى
ان مع العسر يسرا
شى الله ياعبد الرحيم ياقناوى
يابلد الرجال والغناوى
بلد ماتعرف المحال
جلابها يسكر ياخال
ويطهر القلب الشقى
اللى انقتل مش بلطجى
 اللى انقتل نصف نبى
اللى انقتل من اليسار واليمين
من اللى قلبه قرأن
واللى ترتيله انجيل
ومينا كان المثال
صليبه منصوب ميزان
وكمان من اللى مالوش اى دين
غيرك يامصر يدين
ياشريعه خالده ف دمنا
ياضحكة القلب الصبى
يامطلبه ... ومطلبى
اسوء مافيك ولى
اللى انقتل مش بلطجى
اللى انقتل نصف نبى
..............................................................................
 كلمات الشاعر / عربى كمال